Editor de localización para traducir strings de Deltarune / Undertale.

---

amanuensis é unha aplicación de escritorio (JavaFX) feita a medida para o proxecto DELTARUNE en galego.

Os ficheiros de texto do xogo veñen cheos de códigos de formato (cores, pausas, saltos de liña, iconas...). Editalos á man é lento e fácil de romper. amanuensis oculta eses códigos, deixa traducir texto limpo, e reinséreos na posición correcta ao gardar.

Ademais, sincroniza co repositorio en GitHub por ti: baixar, subir e resolver choques entre tradutores faise dende o programa de forma intuitiva sen ter que entender de git.

O propósito desta aplicación é traer a máis xente ao proxecto de tradución, facéndolles o traballo máis doado e aforrándolles ter que traballar a baixo nivel.

Documentación

1. O editor e os marcadores do xogo — como se traduce e que fai cos códigos de formato.
2. Sincronización con GitHub — colaborar entre tradutores sen tocar git.

Compilación

# Compilar e executar (Linux)
./run.sh

# Modo desenvolvemento (sen empaquetar)
./mvnw javafx:run

# Jar para Windows
./mvnw -Pwindows clean package

O jar é autocontido (inclúe JavaFX). O directorio lang/ debe estar no mesmo lugar que o jar ao executar.

Requisitos: Java 21+. Opcional: hunspell + dicionario galego para a corrección ortográfica (sudo apt install hunspell hunspell-gl).